ياترى هابدأ وأقول ايه؟!!تصدقوا لسة مش عارفة :)

مساؤكم بلون الورد..


ولو كنتم الصبح..
يبقى صباحكم بلون الورد..


مش فاكرة جت فى بالى فكرة انى أعمل مدونة امتى؟ ولا ازاى؟؟
وايه السبب؟؟


يمكن فى لحظة حسيت الاحساس اللى كل الناس بيحسوه..لما بيحتاجوا يفضفضوا..


ومش عارفة بردو اذا كان مجرد الفضفضة هى الضغط على شوية زراير فى كيبورد عمالة تصرخ من كتر التخبيط فيها..


بس يمكن الواحد ساعات..
مابيلاقيش غير الكيبورد..
صحيح هى لا بتتكلم..ولا بتحس..ولا بتتنفس..
بس أهى موجوده طول الوقت..
فى حين انك ممكن تفضل تدور على حد بيتكلم ويتنفش و...الخ
ومش شرط تلاقيه..


فبتهيألى الكيبورد أحسن من مفيش..


رغم كدا..
بيفضل عند ىالحنين للورقة والقلم..
مش عارفة هو إدمان؟؟ ولا تعوذد..
بس الىل متأكده منه..
إن ريحة الورق..
وصوت القلم الرصاص وهو بيخربش فى الورقة..فى لحظة صمت رهيبة..
تحت أباجورة قديمة ولا جديدة..
فى ركن صغير فى الأوضة..


مش عارفة أوصف الإحساس دا..


المهم..
خرجت عنالموضوع..


ممممممم..
يمكن لحد دلوقتى بردو معالم المدونة ممكن تكون مش واضحة بالنسبالى..
عندى كتابات كتير..
خواطر..
شعر..
موضوعات نقدية..


بس أكتر حاجة بحبها..
لما أسيب نفسى أكتب حاجة وأطلعها من جوايا من غير ترتيب..


ساعات أ:تب فصحى وساعات عامى..
أحيانا ألاقى حروفى بترقص من التفاؤل..
وأحيان تانية ألاقيها أتعس حروف اتولدت فى الدنيا..
ساعات أحس أفكارى طفولية..
وأوقات أحس ان عندى يجى تمانين سنة..
بحب أتفلسف ساعات لدرجة تخلينى أسترخم نفسى وأحس ان دماغى صدعت من التفكير المعقددا..
وأوقات ألاقى كل حاجة فى تفكيرى بسيطة وواضحة..


أفكارى متناقضة؟؟ يمكن..
موووودى وحالتى النفسية؟؟
بعيش فى اللحظة مليون حالة..


بس أقولكم على حاجة..
عمرى ما حسيت إنو تناقض..
عادى جداااااااااا..
يعنى زى الكتاب ..
اللى سطوره بتحكى مليون قصة..
لكن اللى كتبها شخص واحد..


ساعات أحس انى عاقلة جدا وهادية لدرجة انى بتخنق من نفسى..
وأحيانا أحب أعيش الجنون لأبعد الحدود..




يمكن المدونة دى تكون فيها كتير من أحلامى..
أحزانى..
ولحظات فرحتى..
طموحاتى..
وآمالى فى الدنيا..
وأحيانا زعلى منها..
نظرة مختلفة جوايا للكون والناس..
أو حتى نظرة نقدية ليا ولشخصيتى..
خصامى مع ذاتى..وجلدى ليها..
عتابنا ومحاكمتنا لبعض..


بس الأكيد..
ان فيها حاجات كتير من روز..
حاجات عرفتها واكتشفتها..


وحاجات أكتر..
لسه هاعرفها مع كل حرف هاكتبه هنا...










...
...
..
.